Elefanti ”fallxhor” i kopshtit zoologjik të Hamburgut ka bërë të ditur se Gjermania do të barazojë në ndeshjen e fundit të grupeve në Euro 2020 kundër Hungarisë.
Yashoda, 42 vjeç, zgjodhi të dy flamurët në kutinë ku ndodheshin, në kopshtin zoologjik Hagenbeck: atë gjerman dhe atë hungarez.
Yashoda arriti të gjente me saktësi se Gjermania do të humbiste ndeshjen e parë në Euro 2020 kundër kampiones së botës Francës si dhe do të mundte Portugalinë në ndeshjen e dytë.
“Ne jemi shumë krenarë për instiktet e tij dhe do të jemi të lumtur nëse ai parashikon saktë edhe ndeshjen e tretë”, thanë zyrtarë të kopshtit.
Një barazim do ta çonte Gjermaninë në fazën e eliminimit direkt dhe Hungarinë të eliminuar nga Euro 2020.
