Instituti Kombëtar i Shëndetësisë Publike në Kosovë (IKSHPK) ka regjistruar të martën 18 raste të infektimit me koronavirus pas 1,963 testimeve.
Përgjatë 24 orëve të fundit është regjistruar një viktimë.
IKSHPK-ja ka njoftuar se më 22 qershor janë shëruar 14 pacientë nga COVID-19, ndërsa raste aktive janë 165.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,673 pacientë me këtë virus.
Prej tyre 2,253 kanë vdekur.
Deri më tani të paktën një dozë të vaksinës e kanë pranuar 141,008 persona.
