Një nga dy avokatët që mbronin pilotin 33-vjeçar Babis Anagnostopulos, i cili rrëfeu javën e kaluar për vrasjen e gruas së tij të re në periferi të Athinës Glyka Nera, dha dorëheqjen nga çështja ditën e sotme. Lajmi u bë me dije nga vetë avokati, i cili u shpreh se ”Unë nuk dua të merrem më tej me mbrojtjen e kësaj çështjeje, në asnjë pjesë të saj, për arsye personale … Faleminderit shumë për gjithë kohën dhe bashkëpunimin. Arsyet janë personale, sot një njeri do kalojë në hetim, e ardhmja e një foshnje gjykohet. Prandaj arsyet e mia personale nuk kanë rëndësi”. Gjyqi do të mbahet paraditen e sotme, por ka të ngjarë të vonohet pak pasi avokatët do të marrin materiale elektronike nga hetuesi që ata duhet të studiojnë para se të fillojë seanca.
Zyrtari i gjykatës do t’i kërkojë autorit të akuzuar të tregojë gjithçka që bëri pas vdekjes së Caroline, duke hequr vëmendjen nga ajo që kishte ndodhur duke mashtruar autoritetet. 33-vjeçari, pranoi krimin të enjten e kaluar, duke thënë se ai e vrau gruan e tij, Caroline. Ai më pas inskenoi ngjarjen sikut të ishte një grabitje dhe fillimisht vrau qenin që çifti kishte në shtëpi. Pritet gjithashtu që sot të merret vendimi se kush do të kujdeset për fëmijën 1-vjeçar.
