Një sherr ka ndodhur sot në Vlorë mes një qytetari dhe punonjësve të kompanisë “Tis Park” që ka marrë me koncesion parkinget e qytetit. Mësohet se punonjësit E.A., 44 vjec; F.V., 50 vjec dhe C.V., 45 vjec janë konfliktuar me qytetarin Edi Alikaj pasi i kishin bllokuar gomën e makinës për shkak sipas tyre të parkimit të gabuar të automjetit.
Pasi qytetari nuk i ka lejuar, ka nisur sherri dhe madje 3 punonjësit e kanë dhunuar qytetarin. Ndërsa sipas policisë së Vlorës të plagosurit janë punonjës të shoqërisë “Tis-Park” që ka koncesionin e parkingjeve në rrugët e qytetit. Konflikti ndodhi rreth orës 10:25, në rrugën kryesore të bulevardit Vlorë-Skelë.
Policia ka shoqëruar autorin e dyshuar, shtetasin me iniciale H.D., 34 vjeç, banues në Vlorë, me të cilin po punohet për sqarimin e rrethanave të këtij konflikti. Dyshohet se konflikti ka nisur për shkak të bllokimit të gomës së mjetit të autorit të plagosjes.
