Në Kosovë, u raportua të hënën për dy raste të reja me koronavirus.
Sipas të dhënave nga Instituti Kombëtar i Shëndetësisë Publike të Kosovës, dy rastet rezultuan pas 1,328 testimeve.
Në 24-orëshin e fundit, nuk u regjistrua asnjë viktimë nga koronavirusi, ndërsa u shëruan 14 pacientë.
Raste aktive me koronavirus aktualisht janë 162.
Kosova, prej konfirmimit të rasteve të para në mars të vitit të kaluar, ka regjistruar në total 107,655 raste pozitive.
Prej tyre, 2,252 pacientë kanë vdekur dhe 105,241 janë shëruar.
Fushata e vaksinimit kundër koronavirusit në Kosovë ka nisur në fund të muajit mars. Deri të hënën, sipas Ministrisë së Shëndetësisë, janë injektuar 134,391 vaksina. Mbi 19,000 vetë janë vaksinuar me nga dy doza.
