Një situatë e frikshme është shkaktuar sot në lumin Drin në afërsi të Urës së Vjetër në Lezhë, pasi një person ka rrezikuar të mbytet.
Fatmirësisht është bërë i mundur shpëtimi i tij dhe është nxjerrë nga uji në kohën e duhur. Ambulanca dhe forca policie kanë mbërritur në zonën ku ndodhi ngjarja. Ndërkohë nuk dihen detaje rreth personit që rrezikoi mbytjen, por mësohet aktualisht është transportuar në spitalin Rajonal të Lezhës për të marrë ndihmën mjekësore.
