Klejdi Daci është zyrtarisht pjesë e Kukësit, pasi ka nënshkruar një kontratë të vlefshme për dy vite.
Sulmuesi dy sezonet e fundit ka qenë pjesë e Kastriotit, ndërkohë që është produkt i moshave të Partizanit.
“Futboll Klub Kukësi njofton se sulmuesi Klejdi Daci është zyrtarisht pjesë e skuadrës sonë. 22-vjeçari nga Kukësi ka firmosur sot një kontratë për 2 sezone me ekipin tonë, duke shtuar në këtë mënyrë numrin e futbollistëve nga Kukësi në ekip.
Daci ishte pjesë e Kastriotit në sezonin e fundit duke shënuar edhe 5 gola në 23 ndeshje të zhvilluara. Klubi i Kukësit i uron shumë suksese Dacit me fanellën e qytetit të tij dhe sa më shumë trofe. Suksese Klejdi!”, njofton klubi i Kukësit.
