Deklarata e reperit S4MM pak ditë më parë ka çuar në përplasjen me reperin Gent. Reperi shqiptar nga Tetova deklaroi se Gent kishte paguar 100 mijë euro për duetin me Noizyn që mban titullin “Shum Shum”.
Kjo deklaratë nuk është pritur mirë nga Gent, gjë që ka sjellë dhe një debat shoqëruar me një sërë ofendimesh mes tyre.
Gjatë një videoje Gent i drejtohet S4MM duke i thënë: “Ti ke qenë gjithmonë fans i imi, a e mban mend ti në Hanover”, ndërkohë që S4MM ia kthen: “Meqë ra fjala 100 mijë euro ke paguar, 100 mijë dhe ende nuk je i famshëm, tani do të jesh i famshëm.”
Ai thotë se ka paguar këtë shifër vetëm për versionin audio dhe jo me klip. Por, Gent ka reaguar më pas duke publikuar kontratën e firmosur me grupin OTR, duke treguar se ka paguar 23,760 euro.
Më tej, ai vijon me ofendimet ndaj S4MM, të cilin e krahason me një kafshë.