Plot 12 orë ka zgjatue seanca në Gjykatën Kushtetuese, ku është shqyrtuar çështja e Teatrit Kombëtar.
Kushtetuesja pritet të shpallë vendimin, por nuk ka përcaktuar një datë.
Presidenti Ilir Meta ka kërkuar në Gjykatën Kushtetuese shfuqizimin e kalimit të pronësisë së Teatrit nga Ministria e Kulturës tek Bashkia Tiranë dhe shfuqizim të procedurës së kontratës për ndërtimin e godinës së re të Teatrit Kombëtar. Meta e vendosi theksin te fakti që sipas tij fituesi është paracaktuar me ligji.
Gjatë seancës së sotme, Bledar Dervishaj këshilltar ligjor i Presidentit u shpreh se kreu i shtetit, e ktheu për ligjin për rishqyqrtim, duke i parashtruar në fund të Dekretit që Kuvendi të marrë kohën e nevojshme derisa Kushtetuesja të bëhej funksionale.
Kushtetuesja vendosi të zgjerojë objektin e gjykimit, ndërsa Qeveria përmes përfaqësueses së saj Elira Kokona, duke iu drejtuar anëtarëve të Gjykatës,u shpreh se nuk është kompetencë e tyre që të shqyrtojnë çështjen, sikundër nuk mund të vlerësojnë ata nëse godina e Tetatrit Kombëtar kishte ose jo vlera.
Në seancën maratonë u diskutua mbi shembjen e Teatrit Kombëtar, ligjin special Fusha, si dhe vendimin e Këshillit Bashkiak të Tiranës që i dha vulën përfundimtare shembjes së godinës historike në qendër të kryeqytetit.
