Gjykata Administrative rrëzon kërkesën për dëmshpërblim të familjarëve të ish komisar Artan Çuku.
Familjarët ikërkuan ministrisë së Brendshme dëmshpërblim në shumën e 1 milionë eurove për humbjen e familjarit të tyre, ish efektiv i policisë, i cili ishte kërcënuar dhe më parë por shteti nuk kishte marrrë masa.
Gjykatat Administrative e rrëzoi sot kërkesën me argumentin se nuk ka lidhje të drejtëpërdrejtë shteti me vrasjen e tij, informon gazetarja e Ora News, Keti Banushi.
Ish-kryekomisari Artan Çuku u vra më 8 prill të vitit 2017 në hyrje të shtëpisë pranë Liqenit Artificial.
Nga hetimet e prokurorisë rezultoi se shkak i vrasjes së tij ishte hakmarrja për shkak të detyrës në kohën kur ka qenë drejtues në Vlorë.
Deri tani i vetmi i arrestuar për vrasjen është Mikel Shallari, ekzekutori i dënuar me 10 vite burg, ndërkohë Bledar Jambelli për të cilin prokuroria ngriti akuzën si porositës u arrestua në dhjetor të vitit 2018 në Greqi, por më pas u la i lirë nga gjykata greke.
Sipas prokurorisë 38-vjeçari Jambelli e urdhëroi vrasjen e kryekomisarit për shkak se ai e kishte arrestuar në kohën kur mbante detyrën e Drejtorit të Policisë së Vlorës.
Mikel Shallari ka marrë statusin e bashkëpunëtorit të drejtësisë dhe rrëfeu porositësin.
