Milan-Giroud, afron akordi! Sipas “Sky Sport”, Milani dhe francezi tashmë duken më pranë dhe mbase në 24 orët e ardhshme do të formalizohet kontrata e lojtarit të Francës.
Ajo që dihet është se dëshira e sulmuesit kampion Europe me Chelsea dhe kampion bote me “Gjelat” është të provojë një aventurë të re dhe ajo aventurë korrespondon me ngjyrat kuqezi.
Politika e Maldinit & Co duket se ka bindur shtatlartin që është fokusuar te Euro 2020. Ai ka thënë “po” dhe tashmë pritet kontrata për 2 vite me 5 mln euro rrogë në sezon por bruto.
Që do të thotë se me Dekretin e Rritjes në Itali (çdo shtetas jo italian dhe jo rezident në Itali, që vjen për të parën herë, paguan 50% të taksave dhe jo 100%) rroga do të jetë 2.5 mln euro në sezon.
Tani mbetet hapi i fundit dhe kjo është një punë që i përket agjentëve të sulmuesit, pasi duhet të flasin me Chelsea dhe të gjejnë ujdinë për të liruar lojtarin.
Mes drejtuesve anglezë dhe Giroud ka një akord zotërinjsh të pashkruar se nëse vinte një ofertë nga jashtë dhe kënaqte lojtarin, ai mund të lirohet me zero dhe rinovimi unilateral i zyrtarizuar disa javë më parë, nuk vlen më.
