Kristian Eriksen, mesfushori i Danimarkës, i cili tronditi botën dy ditë më parë kur ra pa ndjenja në fushën e lojës në ndeshjen ndaj Finlandës, duket se tashmë gëzon shëndet të plotë.
Daily Mail ka publikuar një foto të 29-vjeçarit nga spitali, ku ai duket i buzëqeshur në prani të gruas së tij dhe dy fëmijëve.
Më herët, agjenti i futbollistit ka reaguar në një intervistë për “La Gazzetta dello Sport”. “Ai ndihej i lumtur sepse pa përreth shumë njerëz që treguan dashuri ndaj tij. Atij i kanë ardhur shumë mesazhe nga e gjithë bota, jo vetëm nga shokët e skuadrës, por edhe nga tifozët”, tha Shots.
Më tej, ai zbulon edhe bisedën që Eriksen pati me shokët e tij të ekipit nga spitali. “Si jeni? E ndjej që jeni më keq se unë. Unë nuk dorëzohem, jam gati për t’u stërvitur”.
