Policia e Francës tha se është në ndjekje të katër grabitësve, të cilët sot kanë plaçkitur një sasi ari nga një makinë e blinduar, duke i djegur automjetet afër një autostrade.
Plaçkitësit, që operonin me dy makina, e rrethuan makinën e blinduar dhe e detyruan që të largohet nga autostrada ndërmjet Parisit dhe Lionit, ka njoftuar zëdhënësi i xhandarmërisë kombëtare, raporton AP.
Pastaj, ata e vodhën arin, duke lidhur dy njerëz në pjesën e prapme të kamionit, por ndërkohë policia ka ndërhyrë pas njoftimit nga një dëshmitar dhe ka arritur me kohë për t’i shpëtuar dy personat e lidhur.
Por, dukej se dy makinat e tjera ishin të parkuara dhe pa njerëz, ka thënë zëdhënësi i xhandarmërisë.
Policia me makina dhe helikopterë po zhvillon kërkime në hapësirat rreth qytetit Dardiji, ka thënë ky zëdhënës në kushte anonimiteti, meqë nuk ishte i autorizuar për të dhënë detaje lidhur me hetimin që po vazhdon. Vlerësohet se ari i vjedhur e ka vlerën afro një milion dollar.
