Finlanda ka mposhtur Danimarkën në duelin e parë të EURO 2020 për këtë skuadra. Dueli në Kopenhagen u mbyll me rezultatin 1-0 dhe derbi i Vikingëve shkoi për Finlandën.
Edhe pse Danimarka e dominoi ndeshjen dhe duhet të shënonte që në pjesën e parë, goli nuk erdhi. Rastet ishin disa, ndërsa minuta e 43-të solli episodin me Eriksen që ra pa ndjenja dhe bëri që ndeshja të ndërpritej dhe të riniste në orën 21:30.
U mendua se Danimarka do të kishte një marsh më tepër dhe të ishte motivuar nga telefonata me Eriksen, por para porte nuk mundën të ishin të saktë.
Veç kësaj, në goditjen e parë të Finlandës u ndëshkuan. Joel Pohjanpalo shënoi golin e epërsisë me një goditje me kokë, duke e komplikuar gjithçka për Danimarkën.
Minuta e 74-t solli një penallti për vendasit, e cila do komentohej shumë nëse do ishte kthyer në gol. Hojbjerg goditi dobët dhe portieri i Finlandës e ndali topin, duke shpëtuar skuadrën e tij.
Danimarka, pavarësisht se ishte në sulm gjithë kohën, nuk mundi dot ta shmangte humbjen dhe e nisi në mënyrën më të keqe EURO 2020.
