Një person është vënë në pranga, i akuzuar për ngjarjen e 13 Shtatorit 2020, ku në aksin rrugor Kosovë e Vogël-Jeta e Re, Njësia Administrative Fiershegan (Lushnje), u plagosur me armë zjarri Mario Arapi, 32 vjeç.
I arrestuari Adriano Shabanaj, 47 vjeç, banues në Roskovec, akuzohet për veprat penale “Plagosje e rëndë me dashje” dhe “Mbajtje pa leje e armëve dhe municionit luftarak”.
Gjatë momentit të kapjes, 47-vjeçarit i janë gjetur dhe sekuestruar 9 aparate celularë dhe një shumë prej 2000 euro.
Gjithashtu, në kërkim është shpallur dhe një tjetër person për veprën penale “Moskallëzim i krimit”: I. Azizi, 31 vjeç, banues në fshatin Poshnjë, Berat (i dënuar më parë për veprën penale “Prodhim dhe mbajte pa leje e armëve dhe municionit luftarak”).
Gjykata e Shkallës së Parë Lushnjë, me vendimin e datës 11.06.2021, ka caktuar masat e sigurisë “Arrest me burg“, për veprat penale “Plagosje e rëndë me dashje” dhe “Mbajtje pa leje e armëve dhe municionit luftarak”, për shtetasin Adriano Shabanaj dhe për veprën penale “Moskallëzimi i krimit” për shtetasin I. Azizi.
Ngjarja
Nga hetimet e kryera ka rezultuar se Shabanaj, në datë 13.09.2020, për motive të dobëta, në aksin rrugor Kosovë e Vogël-Jeta e Re, ka qëlluar me armë zjarri pistoletë, duke plagosur shtetasin Mario Arapi 32 vjeç, banues në Tiranë, njoftoi policia.
Referuar raportimeve raportimeve mediatike pas ngjarjes, 32-vjeçari u plagos pas një konflikti që erdhi për një parakalim ku janë gërvishtur makinat e të plagosurit dhe të akuzuarve.
