Votimin nga Kuvendi të shkarkimit të tij nga posti i Presidentit të Republikës, Ilir Meta e cilësoi një “akt dëshpërues të parlamentit të shkarkuar më 25 prill”.
Në një deklaratë për mediat këtë të Premte, Meta tha se po pret me qetësi përfundimin e procesin të ankimeve të zgjedhjeve dhe shtoi se do të bashkëpunojë me parlamentin e ri dhe opozitën e re në kuadër të integrimin evropian dhe zbatimit të ligjit.
“Lidhur me shfaqen më të fundit të parlamentit monist, jemi përpjekur të qëndrojmë larg asaj se ka qenë e qartë për të hequr vëmendjen nga hetimi i krimeve zgjedhore e zbardhja e tyre dhe për të zbutur vëmendjen për fajtorët që mund të ekzistojnë”, deklaroi Meta.
Ai shtoi ka kërkuar të ballafaqohet me komisionin e posaçëm të ngritur për shqyrtimin e pretendimeve të shkeljes së Kushtetutës nga ana e tij, por që sipas Metës, nuk është pranuar nga komisioni.
“Edhe pse parlamenti ka qenë i shkarkuar, kam shprehur gatishmërinë të takoj iniciatorët e kësaj shfaqjeje brenda afatit ligjor që ishte 10 Maji dhe lajmërova shumë ditë para, që ata e rrëzuan se kishin me diktat që presidenti duhet linte takimet (me drejtues në vende partnere) për t’iu nënshtruar tekave të parlamentit të 120-çëve”, shtoi ai.
Duke u ndaluar te akuzat e mazhorancës se ai është i përfshirë në fushatë elektorale, Meta pyeti: Kush e përfshiu presidentin në fushatë?
Më tej, ai tregoi një video gjatë fushatës ku kryeministri Edi Rama lëshonte akuza ndaj tij dhe një billbord ku shfaqej Meta, Basha, Kryemadhi, Berisha dhe një kloun me mbishkrimin: “këta nuk meritojmë asnjë shans”.
“Këta Billbordë ishin të vendosura në gjithë vendin dihet që si ka vendosur as opozita e as presidenti”, u shpreh ai.
