Kur mashkulli konsumon alkool, shpesh dëgjojmë që e akuzojnë për pijanec, por mesa duket femrat nuk kanë të njëjtin mendim. Sipas një studimi të bërë nga Universiteti i Romës, një mashkull që nuk konsumon alkool e ka shumë të vështirë që të gjejë të dashur.
Vera është joshje dhe një mashkull që nuk pi verë është pak interesant për 30% të femrave, madje për 25% të tyre i mërzitshëm.
Një vakt pa një gotë verë, perceptohet si një “furnizim i shpejtë”, ose një dietë për 28% të femrave.
Studimi zbuloi se 48% e femrave preferojnë të pinë një gotë verë me partnerin, 28% me dashnorin dhe 17% me shoqet.
Vera është edhe ushqyese, ndaj duhen lexuar qartë në etiketa edhe kaloritë, sasia e këshilluar, niveli i rrezikshmërisë dhe vetitë ushqyese.
Është kjo ajo që u prezantua gjatë “ëine2ëine”, një takim me nismë të presidentes së shoqatës “Femrat e verës”, Donatella Cinelli Colombini dhe nga studiuesi Gabriele Micozzi i Universita Luiss në Roma, bazuar në intervistat e 1200 femrave me moshë nga 18 deri në 60 vjeçe.
Shumica e tyre, 63% deklaruan se ishin përdoruese të verës dhe se e konsideronin pijen më të mirë, për shkak edhe të sasisë më të paktë të alkoolit.
