Vendimi që dënon ish-komandantin e Ushtrisë së Republikës Serbe dhe kasapit të Ballkanit, Ratko Mlladiç, me burg të përjetshëm është vendimi i shtatë i tillë në 28 vitet e Tribunalit Penal Ndërkombëtar për ish-Jugosllavinë.
OKB-ja e themeloi në vitin 1993 gjykatën me seli në Hagë të Holandës, e cila është marrë me krimet e luftës të kryera gjatë shpërbërjes së Jugosllavisë në vitet 90-ta.
Gjatë punës së tij, ai dënoi shtatë kriminel me burg të përjetshëm, të gjithë ishin serb – nëse përfshihet edhe Ratko Mlladiç, raporton klix.ba.
Midis të dënuarve me burgim të përjetshëm është Radovan Karadzic, i cili u dënua me burgim të përjetshëm nga Dhoma e Apelit e Mekanizmit për Procedurat Penale Ndërkombëtare, pasardhëse e Tribunalit të Hagës, në mars të 2019 për gjenocid në Srebrenicë dhe krime kundër njerëzimit, shkelje të ligjet ose zakonet e luftës.
Përveç këtyre dyve, gjithashtu janë dënuar edhe koloneli dhe shefi i sigurimit të shtabit kryesor të Ushtrisë së Republikës serbe, Lubisa Beara, udhëheqësi i formacionit paraushtarak Shqiponjat e Bardha, Milan Lukic, komandanti i Korpusit Sarajevë-Romanija, Stanislav Galiq, ish-Shefi i Shtabit të Përgjithshëm gjatë luftës, Zdravko Tolimir dhe Shefi i Sigurimit të Drinskit, Vujadin Popoviç.
Dy serbë u dënuan me 40 vjet burg, Goran Jelisia dhe Milomir Stakia. Tre serbë u dënuan me 35 vjet burg, përkatësisht Radislav Krstiaç, ish-gjenerali i Ushtrisë së Republikës Serbe, Milan Martiç, presidenti i Republikës Serbe dhe Drago Nikoliç, toger dhe shefi i sigurimit të Brigadës së Këmbësorisë të Korpusit Drina.
16 serbë të tjerë u dënuan me më shumë se 20 vjet burg, ndërsa numri i përgjithshëm i të dënuarve para gjykatës në Hagë është më shumë se 100 vjet.
Gjykata e Hagës shpalli të pafajshëm ish-presidentin serb, Milan Milutinoviç në vitin 2009 për krime kundër shqiptarëve në Kosovë në vitin 1999. Gjykata gjykoi Milutinoviqin në bazë të akuzave për dëbimin me forcë , vrasjes dhe persekutimit të civilëve shqiptarë nga Kosova në gjysmën e parë të vitit 1999.
Në 2013, Dhoma e Apelit e Tribunalit të Hagës shfajësoi ish Shefin e Shtabit të Ushtrisë së Jugosllavisë, Momcilo Perisiç për akuzat e ndihmës dhe mbështetjes së Ushtrisë së Republikës Serbe dhe për kontributin në krimet në Sarajevë dhe Srebrenicë dhe sulmin me raketa në Zagreb.
Kapiteni Miroslav Radiç u lirua nga të gjitha akuzat dhe ai u gjykua për krime në Ovçara.
Vladimir Kovacevç – Rambo u akuzua për krime lufte kundër civilëve dhe bombardimin e Dubrovnikut, si komandant i Batalionit të 3-të të Brigadës JNA të Trebinje, por u lirua për shkak të sëmundjes sepse i pandehuri nuk ishte në gjendje të merrte pjesë në gjyq.
