Një zjarr fatal ra sot herët në mëngjes në një spital ku po trajtoheshin pacientë me koronavirus, i cili u shua pasi shkaktoi vdekjen e tre të sëmurëve.
Burime zyrtare që cituan media vendase deklaruan se shkak ka qenë një ventilator me defekt.
Zjarri nisi në 03:36 të mëngjesit dhe në atë kohë ishin 10 mjekë dhe 36 pacientë në pavionët e terapisë intensive.
Në shuarjen e zjarrit morën pjesë dhjetëra ekipe shpëtimi, bëri të ditur Ministria e Situatave të Emergjencës.
Spitali gjendjet në qytetin Ryazan, i vendosur rreth 190 kilometra larg Moskës.
Guvernatori i rajonit, Nikolai Lyubimov, deklaroi në televizionin shtetëror se zjarri u shkaktua në një dhomë nga një ventilues i nxehur, siç transmetohet nga agjencia Interfax.
Infermierët u përpoqën për të vendosur zjarrin nën kontroll. Dy prej tyre pësuan djegie. Një infermiere ka pësuar djegie në 75% të trupit të saj dhe u vendos të transferohet në Qendrën e Djegieve Wisniewski në Moskë.
Komisioni i Hetimit për Krime të Rënda ka filluar një hetim penal për të hetuar shkaqet e zjarrit, duke deklaruar se hetimi përqendrohet në shkaqe të ndryshme të zjarrit.
Që nga fillimi i pandemisë, Rusia ka pasur disa zjarre në njësitë e kujdesit intensiv. Mjekët fajësojnë ventiluesit e vjetër.
