Stilisti 32-vjeçar Nassos Katris është gjetur i pajetë nga shoqja e tij e ngushtë dhe stilistja, Athena Vaticanou. Ai nuk kishte dhënë shenja jete për rreth 24 orë dhe prindërit e tij ishin të shqetësuar.
Athena Vaticanou shkoi në banesën e stilistit dhe fatkeqësisht e gjeti atë të vdekur. Shoqja e ngushtë e stilistit i tha prototherma.gr, se ai bëri vaksinën “AstraZeneca” të hënën, 7 qershor.
“Unë e gjeta atë të vdekur në banesën e tij mbrëmë. Ambulanca e mori trupin e tij. Na thanë se ka shumë të ngjarë që vdekja e tij të kishte lidhje me ndonjë efekt anësor të vaksinës. Nasos bëri vaksinën të hënën në mesditë në orën 16.00 dhe u kthye në shtëpi. Ishte mire. Ai hëngri me një mik dhe pastaj shkoi të flinte. Ajo që mësuam është se ai ka vjellë, ka nxjerrë.
Telefoni i tij u gjet në anën tjetër të shtratit. Njeriu që jeton vetëm poshtë tij, dëgjoi zëra dhe zhurma rreth orës 6 të pasdites, por nuk i kushtoi vëmendje sepse siç na tha ai nuk donte ta shqetësonte. Mjekët na thanë që pas autopsisë ata do të ishin në gjendje të mësonin më shumë për atë që i shkaktoi vdekjen papritur stilistit”, tha shoqja e tij.
