Një tjetër pikë karburanti ka rënë pre e grabitjes me armë. Këtë herë në Durrës, një karburant është grabitur nga 3 persona me maska dhe të armatosur.
Sipas informacioneve të para, grabitja ka ndodhur rreth orës 02:50 minuta të mëngjesit të sotëm.
Tre personat pasi kanë kërcënuar punonjësit kanë mundur që të marrin të gjitha lekët e xhiros që ishte bërë, rreth 2 milionë lekë.
Policia ka shkuar menjëherë në vendin e ngjarjes dhe ka nisur hetimet për identifikimin dhe kapjen e autorëve.