Policia e Durrësit ka arrestuar në flagrancë një 44-vjeçar pasi u kap duke vendosur lëndë eksplozive në një objekt biznesi.
Nga njoftimi i policisë mësohet se mbi tarracën e një godine trekatëshe, objekt biznesi, në pronësi të shtetasit J. D., në lagjen nr. 14 Durrës, ka shpërthyer një sasie e vogël lënde eksplozive.
Burimet policore bëjnë me dije se është identifikuar kapur dhe arrestuar autori i dyshuar, shtetasi: G. M., 44 vjeç, banues në Shijak.
Gjithashtu njoftohet se gjatë kontrollit është sekuestruar një armë zjarri pistoletë dhe municion luftarak.
Nga shpërthimi i lëndës eksplozive janë shkaktuar dëme të vogla materiale.
