Shqipëria U-21 zhgënjeu totalisht në testin miqësor ndaj Bullgarisë U-21 të zhvilluar ditën e sotme në Sofie. Kuqezinjtë e Alban Bushit, u mposhtën me rezultatin 4-0, në një përballje që foli e gjitha për vendasit.
Bullgarët arritën të realizonin plot 3 gola në harkun e 11 minutave në pjesën e parë. Në fragmentin e dytë të lojës, Bullgaria U-21 plotësoi pokerin e golave, me një 11-metërsh të ekzekutuar saktësisht nga Nikolov në minutën e 68-të.
Vlen të theksohet fakti se në këtë përballje, trajneri Bushi, aktivizoi shumë futbollistë të rinj, duke iu dhënë mundësinë të gjithëve. Spikati numri i lartë i titullarëve që militojnë në Kategorinë Superiore. Kujtojmë se pak ditë më parë, Shqipëria U-21 mposhti Andorrën U-21 me rezultatin 0-3 në sfidën e vlefshme për eliminatoret e Europianit të 21-vjeçarëve.
