Një grabitje e armatosur ka ndodhur mëngjesin e së dielës në fshatin Fllakë të Durrësit. Ngjarja ndodhi rreth orës 8:50, ndërsa sipas Abcnews,grabitja u krye nga tre persona.
Një prej tyre qëndroi në automjet në gatishmëri, ndërsa dy të tjerë me kapele dhe maska kirurgjikale kanë kërcënuar me mjete prerëse e sende të forta menaxherin e pikës së karburantit. I kërcënuar, ai u ka dorëzuar sasinë e parave që kishte grumbulluar gjatë orëve të natës.
Pasi kanë marrë paratë, grabitësit u larguan me shpejtësi. Nuk dihet shuma e parave të vjedhura ndërsa policia është duke ndjekur gjurmët e autorëve pasi janë sekuestruar edhe pamjet e filmuara nga kamerat e sigurisë.
