Autoritetet turke kanë thënë sot se militantët kurdë mund të jenë përgjegjës për sulmin me dy bomba jashtë stadiumit “Vodafone Arena” në Stamboll, ku u vranë 38 persona dhe u plagosën mbi 160 të tjerë.
Shpërthimet të shtunën në mbrëmje i një makine-bombë jashtë stadiumit të Besiktas, u pasua nga një sulm vetëvrasës me bombë në një park afër kompleksit sportiv, një distanc kohore në më pak se një minuti.
Këto sumle tronditën Turqinë e cila ende nuk e ka marrë veten nga sulmet e njëpasnjëshme me bomba këtë vit.
Askush nuk e ka marrë përgjegjësinë për sulmet e së shtunës, por zëvendëskryeministri turk, Numan Kurtulmues, ka thënë se indikacionet e para thonë se militantët e Partisë së jashtëligjshme të Punëtorëve Kurdistan (PKK), janë përgjegjës për sulmet.
