Mexhit Picari, i cili ekzekutoi me disa plumba ish-dhëndrin e tij, mësohet se është një ish-efektiv policie.
Pak momente pas vrasjes që kreu në një lokal, pranë Gjykatës së Rrethit Gjyqësor Tiranë, policia arriti të arrestonte Picarin, i cili ishte kthyer në banesë, shumë afër vendit të ngjarjes. Gjithashtu policia ka shoqëruar edhe një të mitur, por nuk dihet ende se ç´lidhje mund të ketë ai me ngjarjen, autorin apo viktimën.
Viktima është identifikuar si Kudret Saliaj, i cili bashkë me avokatin e tij, ish prokurorin Adriatik Cama, i cili mbeti i plagosur me 1 plumb, ndodheshin në lokal.
Viktima kishte sot senacën e pestë të divorcit me ish-bashkëshorten, ndërsa nga raportimet mësohet se mes çiftit ka pasur konflikte lidhur me kujdestarinë e fëmijëve.
Njoftimi i Plotë
Policia e Tiranes vë në pranga autorin e dyshuar të vrasjes së ndodhur pak më parë.
Fale reagimit të menjëhershëm të Policisë dhe veprimeve të shpejta profesionale u bë e mundur kapja dhe arrestimi i autorit të ngjarjes, shtetasi Mexhit Picari.
Menjëherë pas ngjarjes, Policia zhvilloi shumë kontrolle dhe pas informacioneve të marra u bë i mundur lokalizimi i vendndodhjes dhe kapja e autorit.