Gjermani-Portugali është finalja e madhe e Euro U21. Kompeticioni i skuadrave kombëtare të 21-vjeçarëve po shkon drejt fundit. Luzitanët fituan “derbin” me Spanjën 1-0 në gjysmëfinalen e parë. Dueli u vendos nga një autogol i Jorge Cuenca në minutën e 80-të.
I pafat mbrojtësi i Almeria, aty ku luan edhe Ivan Balliu. Festë e madhe te Portugalia që nëse ia del të mposhtë “Pancerat” e vegjël, do të bëhet i pari shtet që fiton Euro U17, Euro U19 dhe Euro U21 me të njëjtin gjeneratë dhe brez lojtarësh.
Emocionuese ishte edhe sfida tjetër gjysmëfinale. Gjermania fitoi 2-1 ndaj Holandës. 29 sekonda i mjaftuan gjermanëve për të kaluar në avantazh me anë të Florian Wirtz. Talenti i Bayer Leverkusen realizoi një gol edhe më të bukur shtatë minuta më vonë.
Kaq për pjesën e parë, teksa skuadra tulipane hapi ndeshjen në mesin e pjesës së dytë. Mbrojtësi i Ajax, Perr Schuurs u ndihmua edhe nga një pasiguri e portierit kundërshtar, por Gjermania ia doli t’i menaxhojë shumë mirë minutat e mbetura.
Mërgim Berisha i Salzburg, u aktivizua nga fillimi dhe luajti 84 minuta për Gjermaninë, që do të diskutojë trofeun e madh ndaj moshtarëve të Portugalisë më 6 qershor në Ljubjanë të Sllovenisë (20:45). /abcnews.al
If Portugal u21 win the 2021 Finals, they will be the FIRST country to win the u17, u19 and u21 Euro with the same generation!
🇵🇹🇵🇹🇵🇹🇵🇹🇵🇹🇵🇹🇵🇹🇵🇹 pic.twitter.com/Qlj63TGTEe
— Portista (@FCPortoGlobal) June 3, 2021
