Aktorja e famshme Angelie Jolie nuk e ka pranuar vendimin e Gjykatës për të ndarë kujdestarinë e fëmijëve me ish-bashkëshortin Brad Pitt.
Pak ditë më parë, Bratt Pitt arriti të fitojë kujdestarinë e përbashkët e 6-të fëmijëve të tij dhe të Angelina Jolie. Kjo ishte një fitore e madhe për gjyqin e tyre që ka nisur që prej vitit 2017-të, vendim i cili duket se nuk është pritur fare mirë nga Jolie.
Një burim pranë yllit të “Maleficent”, ka treguar për “US Weekly” se Angelina nuk është aspak e lumtur për këtë vendim të gjykatës, duke bërë fajtor avokatin e saj.
Mësohet se ajo nuk do ja falë kurrë këtë gjë Brad Pitt dhe nuk ka ndërmend ta lërë me kaq. Thuhet se Jolie do të apelojë sërish për të marrë kujdestarin e plotë të Maddox, 19, Pax, 17, Zahara, 16, Shiloh, 15-vjeç, dhe binjakët Knox dhe Vivienne, 12-vjeç.
“Ajo kurrë nuk do ta falë atë. Ajo pohon se beteja nuk ka mbaruar dhe se beson se drejtësia do të mbizotërojë”, ka thënë burimi.
Kujtojmë se pak kohë më parë Angelina Jolie ka akuzuar ish-burrin e saj për dhunë në familje dhe ka paraqitur dokumente në gjykatë, pretendime të cilat nuk janë pranuar, pasi tashmë Pitt ka nën kujdestari fëmijët e tyre.
