Një banesë është vjedhur në Përmet. Policia njoftoi këtë të Enjte se pas kallëzimit të një 63-vjeçari se në banesë i janë vjedhur rreth 75.000 euro, është arrestuar një e re si autore e ngjarjes. Në kërkim është shpallur bashkëpunëtori i saj.
Ka qenë 63-vjeçari me iniciale K.P. i cili ka bërë kallëzim në policinë e Përmetit. Ai ka deklaruar pra uniformave blu se i kanë vjedhur në banesë 75 000 Euro.
Pas kallëzimit, policia është vënë në lëvizje dhe ka arrestuar 36-vjeçaren Ordeta Shahini si autore të ngjarjes.
Në kërkim lidhur me grabitjen është shpallur edhe Paulin Pëçi, 28 vjeç, me precedent të mëparshëm kriminal në fushën e vjedhjes me dhunë”. Të dy autorët e dyshuar janë banues në qytetin e Përmetit.
Burime zyrtare sqaruan se janë sekuestruar 27 000 euro, që dyshohet se janë një pjesë e shumës e vjedhur në banesën e 63-vjeçarit.
