Policia e Tiranës ka arrestuar ditën e sotme dy persona të dënuar dhe të shpallur në kërkim prej kohësh.
Kështu konkretisht, në pranga ka rënë Genc Agaj, 46 vjeç, banues në Tiranë, pasi Gjykata me vendimin e datës 09.11.2016, ka vendosur masë sigurie “arrest me burg”, për veprën penale të “Kultivimit dhe shitjes së lëndëve narkotike”.
Po ashtu në prangat e policisë ka rënë edhe Kastriot Tota, 28 vjeç, banues në Tiranë, pasi Gjykata me vendim penal të datës 15.11.2016, e ka dënuar me 4 muaj burgim për veprën penale “Vjedhja”.
