Një adoleshente në Kaliforni është përgëzuar së tepërmi për guximin që ka treguar.
Kjo, pasi ajo me mjaft trimëri ka larguar nga shtëpia një ari që tentoi të hynte e të sulmonte qentë e saj.
Në videon e bërë virale në rrjet, shihet se si ariu tenton të futet në shtëpi, ndërsa dy qentë e shtëpisë së vajzës, i kundërpërgjigjen duke lehur.
Në momentin që ariu, tenton t’i vërsulet njëri prej qenve, 17-vjeçarja Hailey Morinico, vrapon me tërë shpejtësinë dhe shtyn kafshën e egër, duke e rrëzuar kështu nga muri.
Kështu ajo largon qentë me shpejtësi, ndërsa ariu ngjitet sërish në mur, por këtë herë pa ndonjë kërcënim. Si pasojë e incidentit, 17-vjeçarja ka pësuar dëmtime të lehta trupore.
