Lulzim Basha u ndal në Kamëz ku zhvilloi një takim me demokratë në kuadër të fushatës për zgjedhjet për kryetar në Partinë Demokratike.
Basha tha se masakra zgjedhore vetëm i zmadhoi hallet e shqiptarëve.
Ai shtoi se “është detyra jonë që kësaj krize t’i japim zgjidhje sa më shpejt”, duke sjellë ndryshimin që sipas tij, u ndalua vetëm përkohësisht në 25 prill
“Edi Rama nuk e njeh konceptin e kundërshtarit politik, për të çdo demokrate, çdo demokrat është është armik dhe çdokush që i mbështet demokratët dhe demokratët është armik. Ai i ka shpallur luftë konceptit bazë të bashkëjetesës demokratike që është trajtimi i kundërshtarit brenda rregullave të garëse zgjedhore të bërë bërë nga rregullat të përballjes politike. Dhe kjo luftë që i ka shpallur tani e 8 vjet kulmoi me procesin e 25 prillit i cili vetëm përfundoi me 25 prill. Por prej kohësh kishte vënë në lëvizje një makineri gjigande të dhunës, të terrorit, të shantazhit të blerjes së votave me të gjitha format e mënyrat, me para në dorë, me ndihmën sociale, me KEMP-in, me faturat e OSHE-së, me gjobat, me legalizimet për vota, me ndërtimet pa leje për vota, me presionin e drejtpërdrejtë ndaj të punësuarve në sektorin publik. Jo vetëm kaq por edhe me terrorin mbi sektorin privat, pra, me të gjitha format dhe mënyrat njësoj si një regjim”, u shpreh Basha.
“
