Sulmet ndaj kreut të Bashkisë së Vlorës Dritan Leli nuk kanë të ndalur nga socialistët, ku së fundi kanë iniciuar një gjyq publik ndaj tij.
Në një letër që është firmosur nga një pjesë e konsiderueshme e këshilltarëve të Bashkisë së Vlorës, kërkohet nga kryetarja Migena Balla, që me Lelin të ketë një ballafaqim publik, mbi arsyet që sipas asaj që thuhen në letër ka të bëjë me punët e munguara në qytet.
Në letrën që burimet bëjnë me dije se është ideuar nga kryetari i Partisë Socialiste në Vlorë, Anduel Tahiraj, i cili është edhe anëtar i Këshillit Bashkiak, kërkohet që në ballafaqimin me Lelin të jenë të pranishëm dhe Edi Rama dhe deputetë të tjerë të qarkut të Vlorës.
Mësohet se një pjesë e këshilltarëve kanë qenë të detyruar që të firmosin letrën, ku kërkohet ballafaqimi publik, ndërkohë që anëtarët që nuk kanë firmosur njihen si mbështetës të Lelit.
Më poshtë dhe arsyet se pse kërkohet ky ballafaqim publik:
Mes kryeministri Edi Rama dhe kryetarit të Bashkisë së Vlorës, Dritan Leli ka pasur përplasje të vazhdueshme. Këto përplasje u tensionuan akoma më shumë vetëm pak javë para zgjedhjeve të 25 prillit, ku u raportua se pati një debat të ashpër mes Ramës dhe Lelit. Përplasja u tha se erdhi pas refuzimit nga ana e Lelit, të propozimit të Ramës për të lënë mandatin e kryebashkiakut dhe përfshirjes së tij në listën e kanidatëve për deputet.
