Një i ri është goditur me thikë në Elbasan. Policia konfirmoi këtë të mërkurë se i plagosuri ndodhet jashtë rrezikut për jetën, ndërsa autori është vënë në pranga.
“Specialistët për Hetimin e Krimit në Komisariatin e Policisë Elbasan arrestuan në flagrancë, për veprën penale ‘Vrasja me dashje’ mbetur në tentativë, shtetasin: M. J., 16 vjeç, banues në Elbasan, pasi në lagjen ‘Kongresi’, Elbasan, gjatë një konflikti për motive të dobëta ka goditur me mjet prerës (thikë) shtetasin J. V., 25 vjeç, i cili ndodhet në spital, jashtë rrezikut për jetën”, njoftoi policia.
