Agjencia amerikane e inteligjencës e njohur si CIA ka konkluduar se Rusia ka intervenuar në zgjedhjet presidenciale të Shteteve të Bashkuara të Amerikës për ta ndihmuar kandidatin e Republikanëve, Donald Trump, që të zgjedhet president. Një raportim për New York Times thotë se agjencitë kishin “besim të lartë” për përfshirjen ruse në hakim. Një vlerësim i CIA i raportuar nga Washington Post bëri të njëjtat zbulime.
Por skuadra e Trump e injoroi frazën e CIA, duke thënë: “Këta janë të njëjtët njerëz që thanë se Saddam Hussein kishte armë të shkatërrimit në masë”. Zyrtarët rusë kanë mohuar në mënyrë të vazhdueshme akuzat se kanë ndërhyrë në garën elektorale amerikane.
Duke cituar zyrtarë të SHBA-ve të informuar për këtë çështje, Washington Post shkruan se agjencitë e inteligjencës kanë identifikuar individë që kanë lidhje me qeverinë ruse, të cilët kanë hakuar mesazhet elektronike (email-a) të kampit Demokrat dhe madje edhe mesazhet nga Konventa Nacionale e Demokratëve, përfshirë edhe udhëheqësin e kampanjës presidenciale të Hillary Clinton, dhe këto mesazhe ia kanë dhënë WikiLeaks-it.
Zyrtarët e cituar i kanë përshkruar këta persona si të njohur për komunitetin e shërbimeve të inteligjencës, dhe ata kanë qenë pjesë e operacionit të gjerë rus për ta ndihmuar Trump-in dhe
Agjencitë e inteligjencës amerikane nuk kanë treguar ende fakte specifike se a ka qenë direkt Kremlini që ka drejtuar individët e caktuar për të hakuar e-mail-at dhe më pas për t’ia dhënë ato WikiLeaks-it, shkruan Post.
Sipas burimeve të gazetës amerikane “hakerët janë nj[ hap larg qeverisë ruse, jo tamam punëtor të qeverisë”.
Por, edhe themeluesi i WikiLeaks, Julian Assange, kishte thënë në një intervistë në televizion se nuk ka qenë qeveria ruse burimi i e-mail-ave të publikuar në faqen e tij.
