Aktori i njohur amerikan, Kirk Douglas, sot e feston ditëlindjen e tij të 100-të. Ai ka debutuar në film në vitin 1946, ndërsa gjatë karrierës së tij të gjatë dhe të suksesshme, ka luajuar role të rëndësishme në 80 filma.
Rolet e tij më të njohura janë ato të Spartakut, pastaj të piktorit, Vincent van Gogh, legjendës perëndimore, Doc Holliday, e të tjera.
Në mes të muajit nëntor të këtio viti, Kongresi Botëror Hebre e nderoi me çmimin për punën e tij për kulturën hebreje. Por, çmimin e mori i biri i tij, Michael Douglas, po ashtu aktor i njohur i filmit, duke theksuar se “kjo është një dhuratë e hershme e ditëlindjes” për babain e tij.
Aktualisht, Michael Douglas ka deklaruar se babai i tij është “absolutisht shumë mirë” dhe se “është krenar” për të, pasi ishte rritur si person i varfër nga prindërit imigrantë ruso-hebre, dhe ka arritur aq shumë në jetë.
Kirk Douglas ishte tri herë i nomunuar për çmimin më të lartë në film, por asnjëherë nuk arriti ta fitojë çmimin Oscar. Megjithatë në vitin 1996 atij iu dha Oscari special për arritjet jetësore.
