Një 53-vjeçar ka humbur jetën pasi është goditur me grusht nga një 37-vjeçar, i cili u arrestua, njoftoi këtë të Hënë policia.
Burime zyrtare bënë me dije se, më 23 Maj, në lagjen Nr.13, Plazh, M.A. 37 vjeç, dyshohet se për motive të dobëta ka goditur shtetasin Z.K.. 53 vjeç, banues në Durrës, i cili është rrëzuar në tokë duke i shkaktuar dëmtime. Pas mjekimit të marrë në Spitalin Rajonal Durrës, është transferuar për mjekim të specializuar në Spitalin e Traumës Tiranë ku më datë 27.05.2021 ka ndërruar jetë.
“Policia e Durrësit sapo ka marrë dijeni për ngjarjen, ka kryer të veprimet procedurale sipas dispozitave ligjore, duke pyetur edhe familjarët e personit të dëmtuar, të cilët nuk kanë pasur asnjë pretendim. Grupi hetimor vijoi hetime më të thelluara duke bërë të mundur zbardhjen e plotë të ngjarjes dhe arrestimin ditën e djeshme të autorit të dyshuar. Materialet i kaluan Prokurorisë së Rrethit Gjyqësor Durrës për veprime të mëtejshme”, thuhet më tej në njoftimin e policisë.
