“Vrasës. Më vranë djalin. Ku janë vrasësit. Pse nuk i kapin. I dinë mirë kush janë vrasësit, por nuk i kapin. Paloshqiptarë janë por nuk i kap policia. Ku ishte policia, ku ishte”, thotë duke qarë me dënesë, nëna e 34 vjeçarit që u vra në rrugën e Durrësit (Durahiou” në Sepolia të Athinës.
Mediat greke zbulojnë se 34-vjeçari i vrarë ditën e sotme në një kafene të Athinës është Aristidh Papa.
Sipas informacioneve, shqiptari është nga zona e Shqipërisë që në Greqi e quajnë ‘’Epiri i Veriut’’.
Në video shfaqet dhe nëna e 34-vjeçarit shqiptar. Ajo në lot flet greqisht dhe duket se akuzon disa shqiptarë për vrasjen e të birit. ‘’Ari im, të hëngrën shqiptarët’’.
Aristidh Papa i kishte shpëtuar një atentati në shkurt të këtij viti teksa më parë ka qenë i përfshirë në grabitje, vjedhje e trafik droge.
Dyshohet se vrasje e tij ka ndodhur pikërisht për shkak të përplasjes së bandave të trafikut të drogës në qendër të Athinës.
