Këngëtari i famshëm, Marilyn Manson, po përballet me akuza të reja tronditëse. Sipas një procesi gjyqësor të ri, ai akuzohet se ka përdhunuar një nga ish-të dashurat e tij dhe e ka detyruar që të shikonte një film të tmerrshëm në shtëpi, që e bënte të dukej sikur ai vrau një fans të ri, kjo sipas një procesi gjyqësor të ri.
TMZ shkruan se Manson, emri i vërtetë i të cilit është Brian Hugh Warner, po paditet nga Jane Doe. Kjo e fundit pretendon se ajo filloi lidhjen me të në vitin 2011 dhe se lidhja e tyre ishte aq romantike. Por ka shtuar se gjërat morën një kthesë për keq shumë shpejt.
Sipas procesit gjyqësor, të marrë nga TMZ, gruaja pretendon se Manson një herë i tregoi asaj një video në shtëpi që ai e quajti “Groupie” dhe e mbajti të mbyllur në vend të sigurt.
Doe pretendon gjithashtu se Manson i tha asaj që video u xhirua më 1996 pasi grupi i tij luajti një shfaqje në Hollywood Bowl dhe pretendon se pamjet përfshijnë veprime seksuale, poshtërim dhe një armë.
Në dokumente, gruaja pretendon se filmi shtëpiak i Manson tregon se ai lidh një fanse të re në një karrige dhe e detyron atë të pijë një gotë me urinën e një anëtari të bendit, duke e kërcënuar atë me një armë dhe ndoshta duke e fshikulluar me pistoletë. Ajo ka shtuar se video në fjalë e ka lënë të frikësuar për jetën e saj.
Por akuza nuk mbaron me kaq, pasi ajo ka rrëfyer se Manson e përdhunoi atë kur ajo shkoi të kthente një çelës në shtëpinë e tij. Pas përdhunimit të pretenduar, Doe ka treguar se ai e kërcënoi ta vriste.
Doe po padit Manson për dëmin që ia shkaktoi dhe dëshiron një deklaratë që veprimet dhe sjellja e Manson thyen ligin.
Manson po paditet gjithashtu për sulm seksual nga ish-ndihmësja e tij, plus aktorja e “Game of Thrones” Esme Bianco. Policët gjithashtu thonë se ai ishte në kërkim në New Hampshire për një sulm të dyshuar në një koncert.
