Detaje të reja janë zbuluar në lidhje me 45-vjeçarin e gjetur pa shenja jete në automjetin e tij të parkuar në lagjen lagjen “Osman Haxhiu” të qytetit të Vlorës.
Burime bëjnë me dije se shtetasi E.Lazaj prej dy ditësh kërkohej nga familjarët e tij, të cilët kishin humbur kontaktet me të.
Dyshohet se 45-vjeçari mund të ketë ndërruar jetë dy ditë më parë si pasojë e asfiksisë pasi ka shkuar në gjendje të dehur në automjetin e tij.
Mësohet se ditën e sotme ka qenë një kalimtar i rastit, ai i cili e ka gjetur pa shenja jete në makinë 45-vjeçarin dhe ka lajmëruar menjëherë policinë.
Grupi hetimor po punon për zbardhjen e rrethanave të vdekjes së Lazaj.
