Ambasadori amerikan në Tiranë, Donald Lu, reagoi sot për lirimin nga burgu, të ish-kreut të “Bandës së Durrësit”, Lulzim Berisha. Lu i quajti gjykatat e korruptuara dhe vendimin të papranueshëm.
Por kush është gjyqtari i Gjykatës së Apelit në Durrës, i cili vendosi lirimin e Lul Berishës?
Gjyqtari Hamitaj ka qenë pjesë edhe Këshillit të Lartë të Drejtësisë.
Por pavarësisht lirimit të Lul Berishës, me arsyetimin se ai është i sëmurë rëndë, vendimi i gjykatës nuk është zbardhur ende.
Berisha, një prej njerëzve më të rrezikshëm të botës së krimit në Shqipëri, është liruar të martën më 6 dhjetor nga Gjykata e Apelit Durrësit në një proces larg vëmendjes së mediave dhe ndaj tij është vendosur “lirim me kusht” për 5 vitet e mbetura të dënimit.
Sot ambasadori i SHBA-ve, Donald Lu deklaroi se “Lirimi i Lulzim Berishës është bërë për shkaqe të panjohura. Dua t’u them gjykatave të korruptuara se ky vendim është i papranueshëm. Duhet të indinjohemi”.
