Agron Hasanaj, ka dhënë dorëheqjen si drejtor rajonal i tatimeve në Shkodër, duke u larguar nga ky post vetëm pas 3 muajsh.
Hasanaj u emërua drejtor rajonal i Tatimeve pak para fushatës elektorale ndërsa ishte kandidat i platformës “Deputeti që duam” por nuk arriti të jetë në listat e kandidatëve për deputet të PS për qarkun Shkodër.
Mësohet se në vend të tij do të jetë, Sidrit Istrefi, i cili prej 9 vitesh ka qenë inspektor në Drejtorinë Rajonale të Tatimeve në Shkodër.
Pak më parë dorëheqjen e dha edhe drejtori i Agjencisë së Kadastrës në Shkodër Genc Berhani duke u zëvendësuar nga drejtori i komanduar Slladi Dani nga Fieri.
Në vazhdimësi priten edhe lëvizje të tjera në drejtoritë rajonale të PS Shkodër.