Mediat italiane raportuan disa orë më parë se, Simone Inzaghi do të jetë pasuesi i Antonio Contes te Interi. Së fundmi klubi i Lazios, ka dalë me një deklaratë zyrtare, në lidhje me të ardhmen e trajnerit ku në një farë mënyre zyrtarizon kalimin e tij te zikaltërit.
“Ne respektojmë rimendimin e një trajneri dhe para së gjithash, të një lojtari që për shumë vite e ka lidhur emrin e tij me familjen Lazios dhe me shumë sukseset bardhekaltër”.
Kujtojmë që gjatë orëve të para të mëngjesit të sotëm, u tha se Inzaghi do të rinovonte me bardhëkaltërit por më pasi i tunduar nga Interi ka ndryshuar mendje.
45-vjeçari në orët në vazhdim pritet të firmosë një kontratë 3-vjeçare me kampionët e Italisë, ku pritet të përfitojë 4 milionë euro në sezon.
