Ministri gjerman për Europën, Michael Roth do të nisë ditën e sotme një vizitë dy ditore në Tiranë në lidhje me ecurinë e procesit të hapjes së negociatave të Shqipërisë me Bashkimin Europian.
Në orët e pasdites Roth pritet të takohet me kryeministrin Edi Rama ku do të mbajnë edhe një konferencë për shtyp, ndërsa ditën e nesërme ai do të zhvillojë një takim me ministren e Jashtme Olta Xhaçka, dhe në orën 10:30 do të zhvillojë një takim me zotin Basha.
Sipas informacioneve paraprake, në përfundim të takimit me kryedemokratin Basha do të ketë një prononcim për media.
Në vijimësi të takimeve, në orën 11:45 Roth do të zhvillojë një bisedë me sekretarin e përgjithshëm të RYCO-s, ndërsa mësohet se në ditët në vazhdim ai pritet të vazhdojë turin në vendet e tjera të Ballkanit Perëndimor.
