Analistët Artur Zheji dhe Fatos Lubonja, të ftuar në emisionin “Pikat mbi i” në “News 24” kanë diskutuar në lidhje me nismën për shkarkimin e presidentit Ilir Meta.
Lubonja theksoi se Rama do që të kapë edhe institucionin e fundit, me qëllim që të krijojë regjimin.
Ndërsa, Zheji vlerësoi se po punohet për të kapur edhe anëtarët e Gjykatës Kushtetuese. Ai shtoi se parlamenti aktual nuk ka moral që të heqë presidentin.
Fatos Lubonja: Po të ndjekësh linjën që ata kanë shfaqur, që ka qenë ndarje e opinionit, që disa thonë se kjo është lojë dhe një pjesë që thonë se kjo është e vërtetë, shkarkimi i Metës nga ky komision. Dyshime kam, por besoj se duan ta shkarkojnë. Mendoj se është parathënia e asaj që ne presim, sesi Rama do të sillet. Rama do të kapë institucionin e fundit për të krijuar regjimin.
Artur Zheji: Është në nivelin e blofit, për të treguar se çfarë jemi të zotë të bëjmë ne, për të treguar forcën. Kam informacion, se konsiderohet e kryer. Po punohet për të kapur anëtarët e Gjykatës Kushtetuese. Është e mbyllur plani për të shkarkuar Metën, sepse Ramës i duhet i lirë vendi i Presidencës. PS po shfrytëzon situatën dhe për të çuar afër realizimit planin e përcaktuar.
Fatos Lubonja: Rama e kontrollon këtë parlament. Rama ka marrë mbështetje nga Amerika, me sulmin që SHBA ka bërë ndaj opozitës, përmes goditjes së Berishës. Rama ka paraqitur Berishën dhe Metën sikur janë pengesa për vendin, është momenti i pastrimit pra të kësaj të keqeje. Unë mendoj se është duke u ndërtuar një regjim, që nuk dihet se ku po na çon. Ndërkombëtarët mbështesin një krah, sepse mund të kenë edhe interesat e veta, që mund të jenë edhe ekonomike. Ka një retorikë që Shqipëria po ecën, edhe ambasadorja amerikane tha se Shqipëria po ndryshon.
Artur Zheji: Në këto zgjedhje pati gjak e probleme, janë bërë shumë gjëra që në një vend që do krijonin anormalitet kategorik. Meta nuk paska njohur shumë gjëra, por një nga to, nuk ka njohur deri në fund Edi Ramën.
Moralisht Rama nuk ka të drejtë me këtë parlament ta rrëzojë, ta shkarkojë, moralisht ky parlament duke qenë se nuk ka 140 deputetë nuk ka të drejtë ekzistence, por derisa ndërkombëtarët nuk e shohin dhe Presidenti ka dhënë e marrë.
Precedenti që ka krijuar ky parlament, PPP-ra që i ka kthyer në ligj, do vazhdojë të bëjë tjetrën. Kanë ndodhur luftëra në botë për mosnjohjen e kundërshtarit.
