Sot do të luhet dhe java e fundit e Kategorisë Superiore për sezonin futbollistik 2020/2021. Me fillim nga ora 17:00 do të zhvillohen pesë takime, nga ku sytë janë të përqendruar në tre sfidat vendimtare për titullin kampion.
Në stadiumin “Niko Dovana” aty ku Teuta do të presë skuadrën e Apolonisë e cila ka rënë matematikisht në Kategorinë e Parë, në stadiumin “Loro Boriçi” ku do të luhet supersfida Vllaznia-Laçi dhe në stadiumin “Adush Muça” ku Partizani do të kërkojë fitoren ndaj Bylisit e cila kërkon triumfin për t’i shpëtuar rënies së menjëherëshme.
Dy sfidat e tjera janë, Tirana-Skënderbeu e cila do të zhvillohet në stadiumin “Selman Stërmasi” dhe në stadiumin “AIR Albania” Kukësi do të sfidojë Kastriotin e cila synon mbajtjen e zonës “Play Out” për të provuar me ndeshjen e ardhshme sigurimin e qëndrimit në elitë.
