Champions League mbylli mbrëmë fazën e grupeve duke përcaktuar 16 ekipet që do të vijojnë garën për trofeun më të rëndësishëm për klube në Europë. Renditja e skuadrave mund të sjellë përballje interesante që në fazën e 1/8 që është me eliminim direkt.
Në shortin që do të hidhet të hënën do të ketë dy vazo kun ë të parën do të jenë fituesit e grupeve dhe në dytën ndjekësit. Ekipi kampion në fuqi i aktivitetit Real Madrid pas barazimit 2 – 2 në shtëpi me Borussia Dortmund do të jetë në grupin e vendeve të dyta dhe mund të përplaset me Juventus, Napoli, Arsenal, Leicester apo Monaco.
Rregullorja parashikon që nuk mund të ketë sfida mes skuadrave që ishin në të njëjtin grup dhe përfaqësojnë të njëjtën federatë. Përballet interesante mund të jenë të shumta si Arsenal – Bayern Munchen, Atletico Madrid – Manchester City apo Borussia Dortmund – Paris Saint Germain. Ndeshjet do të luhen me sistem vajtje-ardhje në muajt shkurt dhe mars.
