Një aksident tragjik ka ndodhur në Dalian, Kinë, ku një makinë ka shkaktuar vdekjen e 5 personave. Mësohet se viktimat ishin një grup këmbësorësh të cilët po kalonin rrugën në qendër të qytetit. Sipas mediave ndërkombëtare, 5 të tjerë janë lënduar.
Ngjarja ndodhi në një qytet port në gadishullin Liaodong në verilindje të Kinës. Kjo nuk është hera e parë që drejtuesit e makinave godasin këmbësorët në rrugët e mbushura me njerëz në Kinë. Autoritetet pretendojnë se problemet psikologjike të shoferëve janë shkaku më i zakonshëm i aksidenteve të tilla.
