Nga Erl Kodra
Nuk jam shprehur as nuk do të shprehem në favor të asnjë kandidati për kreun e Partisë Demokratike, sepse mendoj se nuk është koha për një garë të tillë. Kjo garë nuk i shërben askujt, përveçse atyre që duan ta shohin atë akoma më të dobët, mundësisht të shkojë drejt shuarjes.
Në fakt Partia Demokratike duhet të ishte në protesta, deri në rebelim kundër pseudo-shtetit të Edi Ramës. Me zgjedhjet për Kryetarin e ri të Partisë Demokratike, vetëm po legjitimoni pushtetin e vjedhur të një mafiozi, asgjë tjetër.
Një lider politik vjen vetëm nëpërmjet dy rrugëve:
– përmes një ngjarje të madhe politike, siç është përmbysja e një regjimi,
– përmes maturimit politik në opozitë,
E di se do të thoni që Lulzim Basha u provua 8 vjet në opozitë, dhe nuk arriti të mposhtë Edi Ramën. E vërtetë! Edi Rama nuk mposhtet me mjete politike. Ai i “fiton” zgjedhjet sa herë të dojë, si të dojë, kur të dojë. Madje me çdonjërin prej kandidatëve, edhe sikur përballë tij të jetë konservatori më i madh në botë. Në kushtet e Shqipërisë, përballë tij do të humbte edhe Merkel, Biden, Trump, Macron, madje edhe vet Lukashenko. Si manipulator ai ia kalon edhe Enver Hoxhës.
Por si mposhtet Edi Rama?
Me protesta, me rrebelim, me dhunë. Rrugë tjetër nuk ka.
Ah, harrova të shtoj edhe diçka të fundit:
A doni të largoni Lulzim Bashën nga kreu i Partisë Demokratike, dhe të bëheni ju lideri i opozitës shqiptare?
Ngrihuni në protesta, rrebelohini, behuni njëri prej jush lideri i protestuesve dhe i rrebelëve. Fitojeni Partinë Demokratike me zemër, jo prej studiove televizive. Përndryshe, të jeni të sigurtë që Edi Rama do ju mundë me metodat e tij. Unë nuk di ndonjë mafioz që e dorëzon plaçkën (Shqipërinë) me dëshirë, me rregulla.
Të kuptohemi – unë nuk i jap asnjë të drejtë Lulzim Bashës për gabimet që ka bërë, dhe për fat të keq vazhdon t’i bëjë. Partia Demokratike duhet të thërriste Kuvendin Kombëtar – dhe të dilte me propozime të qarta se çfarë qëndrimi politik do të mbante ndajë pushtetit të mafiozit Edi Rama, të përcaktonte qartë rrugët dhe mjetet me të cilat do të luftonte për të risjellë legalitetin në vend.
Në kushte normale, zgjedhjet do të ishin normale, ndërsa në kushtet aktuale, zgjedhjet e tilla janë thjeshtë tallje me vetveten.
