Java e fundit e Seria A ka qenë mjaft emocionante, pasi 3 skuadra luftonin për dy vende në Champions League.
Në fund fati i buzëqesh Juventusit, të cilët kanë mundur të sigurojnë kualifikimin në Champions league pas barazimit zhgënjyes të Napolit në shtëpi përballë Veronës.
Bardhezinjtë arritën të fitonin në transfertë përballë Bolonjës me rezultatin 4-1, duke siguruar vendin e tretë në Serie A, me pikë të barabarta me Atalantën, e cila edhe pse u mundën në shtëpi nga Milani e kishte prerë biletën.
Ndërkohë që Milani ka zhvilluar një superndeshje në Bergamo përballë Atalantës, duke gjunjëzuar vendasit me rezultatin 2-0 duke ju marrë vendin e dytë, por dhe rikthimin në Champions League pas disa vitesh.
Nga ana tjetër Napoli i shqiptarëve Hysaj dhe Rrahmani nuk mundi të shkojë më shumë se në barazim 1-1 përballë Veronës, duke mbetur kështu jashtë Championsit.
